اصلی پانه - د حبیب یار مرسته بنیاد

د بنسټ ایښودونکي په اړه

الحاج محمدابراهیم حبیب‌یارد انسان‌دوستۍ او خیر‌ښیګڼې سرلاری

الحاج محمدابراهیم حبیب‌یار د حاجي عبدالحمید زوی، د ۱۳۴۶ هجري لمریز کال د مرغومي میاشتې په یوولسمه نېټه، د فراه ولایت د اناردرې په ښکلې، زرغونه او شنه ولسوالۍ کې، په یوه دینداره، علم‌پاله او ولس‌دوسته کورنۍ کې سترګې نړۍ ته پرانیستې. نوموړي د ماشومتوب کلونه د دیني، اخلاقي او انساني ارزښتونو تر سیوري لاندې، د کورنۍ په تودو او مهربانو فضاوو کې تېر کړل. لا له کوچنیوالي د نیکۍ، تقوا، ادب او خدمت احساس له شخصیت څخه یې ځلېده.
په ۱۳۵۷ هجري لمریز کال کې، د هېواد د حالاتو د بدلون له امله او د ژوند د غوره فرصتونو د موندلو په موخه، نیمروز ولایت ته کوچېد. هلته یې د سوداګرۍ په برخه کې خپلې هڅې پیل کړې. ډېر ژر یې د صداقت، زحمت او پوهې په برکت، خپل سوداګریز فعالیتونه هرات، بیا کابل، او بالاخره د سیمې کچې ته وغزول. نوموړی اوس مهال بیشتر بخوانید.…

د بنسټ په اړه

د حاجی محمد ابراهیم حبیب یار خيريه بنسټ په ۱۳۹۳ هـ.ش کال کې د حاجي عبدالحميد حبيب‌يار زوی، حاجي محمد ابراهيم حبيب‌يار، له خوا د اناردرې د خلکو د شورا او خيريه بنسټ په همکارۍ د هرات، نيمروز او فراه ولايتونو کې جوړ شو او هممهاله يې خپل فعاليتونه پيل کړل؛ خو د خپلې رسمي جواز نامې ترلاسه کول يې د ۱۴۰۰ هـ.ش کال په وروستيو کې تر لاسه کړل.

د دې خيريه بنسټ يوازينی تمويلوونکی، حاجي محمد ابراهيم حبيب‌يار دی. دا بنسټ يو خپلواک خيريه بنسټ دی چې د هېڅ سياسي ګوند يا شخص تابع نه دی. د دې بنسټ فعاليتونه د علم او کلتور پراختيا، بشري مرستو او د فقر له منځه وړلو په برخو کې متمرکز دي. دا بنسټ باور لري چې پورته ياد شوي فعاليتونه زموږ د هېواد د پرمختګ، ودانۍ او خوځښت لامل ګرځي؛ له همدې امله، دا بنسټ هڅه کوي چې په نږدې راتلونکې کې خپلې علمي او فرهنګي فعاليتونه پراخ کړي او د دې کړېدلي هېواد د علم او پوهې د پراختيا لپاره اغېزمن پروګرامونه تنظيم کړي.

د دې خيريه بنسټ له مهمو فعاليتونو څخه، د خوراکي او غير خوراکي توکو لکه: اوړه، وریجې، غوړي، بوره، وچ چای او پودر وېش د اتو څخه تر لس زرو بې‌وزله کورنيو ته د بنسټ په لومړيو کلونو کې، له اړمنو ځوانانو سره د دستجمعي واده د جوړېدو همکاري، او همداراز د هوښيارو او با استعداده محصلانو د تحصيلي بورسونو له لارې ترکيې، هند او پاکستان ته لېږل یادولی شو. نوره ولولئ…

زموږ لید

د یوې داسې پاملرنې وړ او ځواکمنې ټولنې رامینځته کول چې په افغانستان کې زیان منونکې ټولنې هغه ملاتړ ترلاسه کړي چې دوی ورته د ودې لپاره اړتیا لري، دوامداره پراختیا، تعلیم او بشري مرستې ته وده ورکړي.