د حضرت ابوبکر صدیق (رض) جامع جومات پرانېستل
«إِنَّمَا یَعْمُرُ مَسَاجِدَ اللَّهِ مَنْ آمَنَ بِاللَّهِ وَالْیَوْمِ الْآخِرِ…»
(سورة التوبه، آیت ۱۸)
د جمعې په ورځ، د ۱۴۰۴ کال د میزان په ۲۵مه نېټه، د حضرت ابوبکر صدیق (رض) جامع جومات د الحاج محمد ابراهیم حبیبیار، د حبیبیار خیریه بنسټ مؤسس، په مالي ملاتړ او خالص نیت په ولایت فراه، د اناردرې په ولسوالۍ کې په پرتمین او روحاني فضا کې پرانېستل شو.
په دې معنوي او شانداره محفل کې یو شمېر علما، مشران، تجاران، د دولت مسؤلین او د امارت اسلامي مخکښ شخصیتونه له فراه، هرات، کابل، نیمروز او د هېواد له نورو سیمو څخه ګډون کړی و. د مېلمنو ستر کاروان د عقیدت او اخلاص په فضا کې د اناردرې ښکلي ولسوالۍ ته لاړ او د دې خیر او ماندګار اقدام له امله، له باني الحاج محمد ابراهیم حبیبیار څخه د دعاګانو او د لا زیاتو بریاوو په هیله مننه وشوه.
د دې جامع جومات د بنسټ ډبره د ۱۴۰۲ کال د اسد په ۷مه د الحاج محمد ابراهیم حبیبیار، علماوو او د سیمې د مشرانو په شتون کې اېښودل شوې وه. دا ستر او ارزښتناک جوړښت د حبیبیار خیریه بنسټ له لوري په ۴۰۰,۰۰۰ امریکایي ډالرو جوړ شوی دی.
د جومات د طرحې او ودانیز کار مسؤلیت د ترکي حبیبیار امتس گروپ (Habibyar Umtes Group) ته سپارل شوی و، چې په نړیوالو معیارونو برابر یې دا ښکلی او مستحکم اثر بشپړ کړی دی.
دا جامع جومات نه یوازې د عبادت او بندګۍ ځای دی، بلکې د ایمان، یووالي، همکارۍ او د دین او خلکو د خدمت یو څرګند سمبول هم ګڼل کېږي.
حبیبیار؛ د همکارۍ او انساندوستۍ بېلګه
 جامع جومات پرانېستل){kind=link}
No comment